Auglýsing um starfsleyfistillögur sbr. mengunarvarnareglugerð nr. 785/1999.
 
Starfsleyfisskilyrði fyrir Síld og Fisk ehf. (590298-2399), Minni – Vatnsleysu, Vogum, liggja frammi til kynningar á eftirtöldum stöðum; skrifstofu HES að Iðavöllum 12, 230 Reykjanesbæ, heimasíðu HES www.hes.is og skrifstofu Sveitarfélagsins Voga.
 
 Samkvæmt ofangreindri reglugerð hafa eftirtaldir aðilar rétt til athugasemda:
 
    Sá sem sótt hefur um starfsleyfi svo og forsvarsmenn og starfsmenn tengdrar eða
    nálægrar starfsemi.
    Íbúar þess svæðis sem ætla má að geti orðið fyrir óþægindum vegna mengunar.
    Opinberir aðilar, félög og aðrir þeir sem málið varðar.
 
Skriflegar athugasemdir skal senda til heilbrigðisnefndar Suðurnesja, Iðavöllum 12, 230 Reykjanesbæ.  Frá birtingu þessari er frestur til að gera athugasemdir fjórar vikur.
 
Heilbrigðiseftirlit Suðurnesja
 
Heilbrigðiseftirlit SuðurnesjA DRÖG Starfsleyfisskilyrði fyrir svínabú Síld og Fisks ehf., Minni – Vatnsleysu. Gefið út af Heilbrigðiseftirliti Suðurnesja í samræmi við ákvæði laga nr. 7/1998 um hollustuhætti og mengunarvarnir og reglugerðar nr. 785/1999, um starfsleyfi fyrir atvinnurekstur sem getur haft í för með sér mengun. Skilgreiningar: Forþró er þró þar sem blauthluta svínamykjunnar er safnað áður en honum er veitt til sjávar um fráveitu. Fráveita er fráveitulögn sem veitir blauthluta svínamykjunnar, afrennsli úr rotþró og frárennsli frá sláturhúsi til sjávar. Hreinsibúnaður samanstendur af skiljubúnaði sem skilur mykjuna í blauthluta og þurrhluta og forþró þar sem þurrefni getur fallið til botns. Ársgyltur eru gyltur sem hafa þroska til að taka fang. Grísir eru gripir sem ætlað er að fara í slátrun. 1. gr. Gildissvið 1. 1. Starfsleyfi þetta gildir fyrir svínabú Síld og fisks ehf., kt. 590298-2399, að Minni-Vatnsleysu 190 Vogum. Starfsleyfi þetta gildir fyrir svínabú með allt að 600 ársgyltum og 10 geldi, 1800 grísir 30 kg til 100 kg og 1000 til 1400 smágrísi upp að 30 kg. Stafsleyfið fellur úr gildi ef skipt er um eigendur eða húsnæði. 1. 2. Starfsleyfið gildir í 12 ár frá útgáfudegi. Að jafnaði skal endurskoða starfsleyfi þetta á fjögurra ára fresti sbr. 20. gr. reglugerðar nr. 785/1999. 1. 3. Heimilt er að endurskoða starfsleyfisskilyrðin ef í ljós koma annmarkar á framkvæmd þeirra eða í ljós koma skaðleg áhrif á umhverfi sem ekki voru ljós fyrir. Sama gildir ef fram koma almennar kröfur eða ný tækni er leiða til bættra mengunarvarna. 1. 4. Verði meiri háttar breytingar á rekstrinum eða breyting sem gæti leitt til aukinnar mengunar að mati heilbrigðiseftirlitsins ber að sækja um starfsleyfi að nýju. 1. 5. Tilkynna skal Heilbrigðiseftirliti Suðurnesja ef starfsemi rekstraraðila er lögð niður. Leggist hún niður skal fjarlægja öll dýr úr húsunum, fjarlægja allan rekstrarúrgang ásamt spilliefnum, hættulegum efnum og ónothæfum efnum og skal úrganginum skilað til viðeigandi móttökustöðvar sem hafa til þess starfsleyfi. Einnig skal ganga frá mannvirkjum þannig að hætta stafi ekki af þeim. 1. 6. Til viðbótar við starfsleyfisskilyrði þessi ber að fylgja, ef við á, ákvæðum almennra starfsleyfisskilyrða fyrir mengandi starfsemi, sbr. auglýsingu nr. 582/2000, sjá fylgiskjal 1. 2.gr. Þrif á húsum 2. 1. Þrífa skal deildir svínahúsa í hvert sinn sem skipt er um dýrahópa, m.a. til að takmarka rykmyndun. 2. 2. Þrífa skal útloftunartúður svínahúsa reglulega. Einnig skal þrífa loft, veggi og lagnir eins oft og unnt er (árlega). 3.gr. Ytra umhverfi 3. 1. Þvottur bíla og tækja skal einungis fara fram þar sem niðurföll eru til staðar sem auðveldlega taka við þvottavatni. 3. 2. Á lóðinni skal ekki geyma vélar, tæki eða annan búnað sem ekki er í notkun eða geta valdið óþrifum. 4. gr. Almennar mengunarvarnir 4. 1. Skólp frá salernum og hreinlætisaðstöðu skal leitt í rotþró. Frárennsli úr rotþró skal leitt til sjávar um fráveitu. Um uppsetningu og frágang rotþróar skal farið eftir leiðbeiningum Umhverfisstofnunar um rotþrær eða öðrum stöðlum í samráði við HES. Frárennsli frá rotþró skal leitt til sjávar 5 metra niður fyrir meðalstórstraumsfjöruborð eða 20 metra út frá meðalstórstraumsfjörumörkum. 4. 2. Við losun fráveituvatns gilda ákvæði fylgiskjals 1 með reglugerð nr. 798/1999 um fráveitur og skólp. 4. 3. Takmarka skal hávaða frá starfseminni eftir því sem kostur er. Farið skal að ákvæðum reglugerðar nr. 724/2008 um hávaða. 4. 4. Um frágang, staðsetningu og uppsetningu olíugeyma skal farið skv. ákvæðum reglugerðar nr. 35/1994 um varnir gegn olíumengun frá landi. 4. 5. Við starfsemina skal taka mið af reglum um góða búskaparhætti, útgefnum af Umhverfisstofnun, sbr. ákvæði reglugerðar nr. 804/1999 um varnir gegn mengun vatns af völdum köfnunarefnissambanda frá landbúnaði og öðrum atvinnurekstri, með síðari breytingum. 5. gr. Um úrgang 5. 1. Rekstraraðila er skylt að halda húsnæði og lóð snyrtilegu. Sorphirslur og ílát undir úrgang skulu standast kröfur heilbrigðiseftirlitsins. 5. 2. Rekstraraðilar svínabúsins skulu markvisst og stöðugt vinna að því að draga úr úrgangsmyndun eins og kostur er. Stöðugt skal reynt að finna leiðir til endurnýtingar á úrgangi og ber fyrirtækinu að tileinka sér þau endurnýtingarúrræði sem eru fyrir hendi hverju sinni. 5. 3. Úrgangur svo sem dýrahræ skal fluttur til eyðingar á förgunarstöðvum sem til þess hafa starfsleyfi. Urðun og brennsla á öllum úrgangi er óheimil á athafnasvæði fyrirtækisins. Sérstaklega skal gæta þess að meindýr og vargfugl komist ekki í æti frá svínabúinu. Ganga skal frá hræjum til förgunar í þétta, lokaða gáma. Losa skal gámana reglulega eða eftir þörfum, oftar á sumrum en á vetrum. Gámana skal sótthreinsa og þrífa eftir notkun. Æskileg er notkun sérstakra kæli/frystigáma sem eru sérhannaðir til þessara nota. Sé slíkra gáma krafist af móttökuaðila dýrahræja ber rekstraraðila að verða við því. 6. gr. Svínamykja 6. 1. Losun ómeðhöndlaðrar svínamykju í sjó eða yfirborðsvatn er óheimil. Um losun meðhöndlaðrar svínamykju gilda ákvæði reglugerðar nr. 796/1999 um varnir gegn mengun vatns, reglugerðar nr. 798/1999 um fráveitur og skólp og ákvæðum starfsleyfis fyrir hreinsivirki. 6. 2. Forþró skal a.m.k. rúma sem nemur eins mánaða uppsafnaðri svínamykju. Forþróin skal þannig úr garði gerð að unnt sé að dæla eða veita botnfalli úr henni í skiljubúnað. 6. 3. Til að takmarka lyktarmengun og koma í veg fyrir aðgang meindýra skulu mykjutankar vera lokaðir. 6. 4. Þurrefnið skal gert aðgengilegt til flutninga skal rakainnihald þurrefnisins að jafnaði ekki vera yfir 75%. Að jafnaði skal þurrefni komið reglulega til aðila með starfsleyfi til meðhöndlunar á þess háttar úrgangi. Þó skal búið hafa aðstöðu til þess að geyma þurrefni sem nemur fimm mánaða uppsöfnun. Búið skal tryggja að við flutninga og geymslu verði ekki um fok á þurrefni að ræða. Komi það til að nota þurfi aðrar leiðir til förgunar á þessum úrgangi skal það gert í samráði við HES. 6. 5. Tæma skal flóra a.m.k á tveggja vikna fresti eða oftar, ef kostur er. 6. 6. Sé fyrirhugað að jarðgera svínaskít þarf til þess starfsleyfi sbr. reglugerð nr. 785/1999 um starfsleyfi fyrir atvinnurekstur sem getur haft í för með sér mengun. 6. 7. Rekstraraðili svínabúsins skal sjá til þess að varahlutir fyrir mykjuskilju séu ávallt til staðar í búinu þannig að rekstraröryggi skiljunnar sé eins tryggt og á verður kosið. 6. 8. Hreinsibúnaður skal að jafnaði skilja 80% af svifögnum frá mykjunni. Blauthluti mykjunnar skal leiddur til sjávar eins og um skólp eftir eins þreps hreinsun væri að ræða. Útrásarop skal vera a.m.k. fimm metra niður fyrir meðalstórstraumsfjöruborð eða tuttugu metra út frá meðalstórstraumsfjörumörkum. Þannig skal gengið frá fráveitu að ekki verði um setmyndun við útrásarop að ræða. 6. 9. Heilbrigðiseftirlit Suðurnesja getur látið framkvæma eftirlitsmælingar, á kostnað starfsleyfishafa, til að fylgjast með ástandi viðtaka ef þurfa þykir. Á fjögurra ára fresti er ástand viðtaka metið til að endurskoða skilgreiningu hans sem síður viðkvæmur viðtaki. Heilbrigðiseftirlitið getur einnig framkvæmt mælingar, á kostnað starfsleyfishafa, á efnainnihaldi ómeðhöndlaðrar mykju, blauthluta og þurrhluta þyki ástæða til. 6. 10. Rekstraraðili skal hafa eftirlit með og skrá eftirfarandi þætti: - Dagsetningu og tímalengd hverrar losunar - Magn blauthluta sem dælt er út - Mengunaróhöpp og kvartanir vegna starfseminnar - Bilanir og viðhald búnaðar 7. gr. Meðferð hættulegra efna 7. 1. Geyma skal öll hættuleg efni og efnasambönd með öruggum hætti. Ísogsbúnað eða -efni skal hafa til taks og nota ef spilliefni leka á gólf. 7. 2. Hættuleg efni skulu meðhöndluð af varúð og þess vandlega gætt að þau hvorki berist í niðurföll né geti á annan hátt valdið umhverfisskaða eða heilsutjóni. 7. 3. Starfsfólk skal hafa fullnægjandi þekkingu á eitrunarhættu og eiginleikum þeirra efna sem það vinnur með og skulu upplýsingar þar að lútandi ávallt vera tiltækar á vinnustaðnum. Lúta skal þeim lögum og reglum sem um efnin gilda hverju sinni. 7. 4. Safna skal öllum hættulegum efnum s.s. olíusora, lyfjaleifum, umbúðum lyfja og sprautunálum og skila reglulega til aðila sem hafa starfsleyfi til að taka við slíkum úrgangi. Við afhendingu skal haldið eftir vottorði fyrir móttökunni þar sem fram kemur magn (kg, l), og gerð úrgangs. 8. gr. Lyktarmengun frá svínahúsum 8. 1. Rekstraraðila ber að gera allt sem í hans valdi stendur til að draga úr ónæði af völdum lyktar og ryks frá starfseminni. 8. 2. Loftræstingar (útblæstri) allra eldishúsa skulu tengd biofilter (síu) eða sambærilegri síu þar sem lofti er blásið í gegnum líftræna síu (spænir) til að draga úr lyktarmengun. Samráð skal haft við Heilbrigðiseftirlit Suðurnesja við val á búnaði til hreinsunar á lykt frá svínabúinu. 8. 3. Takmarka skal loftmengun frá starfseminni eins og kostur er. Ef í ljós kemur engu að síður að loftmengun frá starfseminni veldur fólki á nærliggjandi svæði óþægindum, getur heilbrigðisnefnd krafist úrbóta. 8. 4. Til að draga frekar úr lyktarmengun skal rekstraraðili nýta sér aðferðir s.s. að setja íbætiefni í flóra, auka þrif, breyta fóðri eða beita vökvun. 9. gr. Ýmis ákvæði 9. 1. Eintak af skilyrðum þessum og viðkomandi lögum og reglum skulu ávallt tiltæk á vinnustað. 9. 2. Forráðamaður fyrirtækisins ber ábyrgð á að það starfi í samræmi við skilyrði þessi. 9. 3. Fara skal að ákvæðum græns bókhalds fyrirtækja sbr. reglugerð nr. 851/2002 eftir því sem við á. 9. 4. Bústjóri skal halda sérstaka skráningarbók fyrir úrgang frá búinu, þar með talið þurrhluta mykju, sláturúrgang og spilliefni og skal gerð hennar unnin í samvinnu við HES. Svínabúið skal fyrir 1. mars ár hvert senda Heilbrigðiseftirliti Suðurnesja skýrslu þar sem a.m.k. eftirfarandi kemur fram: • Magn (tonn) þurrhluta af mykju sem féllu til á árinu og hvaða farvegur var notaður fyrir þennan úrgang. • Magn og tegundir spilliefna sem féllu til á árinu. • Gera skal grein fyrir með hvaða hætti búið hefur unnið að því að uppfylla grein 5.2 á árinu. • Gera skal grein fyrir mengunarslysum hafi þau átt sér stað, rekstri og bilunum á skiljubúnaði fyrir mykju, rekstri og bilunum á skiljubúnaði fyrir frárennsli sláturhúss. • Heildarrúmmál fráveituvatns, sundurliðað í mánuðum ásamt niðurstöðum mælinga sem greint er frá í gr. 6.9.