Breytingar á starfsemi Heilbrigðiseftirlits Suðurnesja

Öllu starfsfólki Heilbrigðiseftirlits Suðurnesja hefur verið sagt upp störfum vegna breytinga á fyrirkomulagi heilbrigðiseftirlits sem taka gildi 1. janúar 2027. Þá verða heilbrigðisnefndir sveitarfélaga lagðar niður. Eftirlit með hollustuháttum og mengunarvörnum færist að mestu til Umhverfis- og orkustofnunar og matvælaeftirlit til Stofnunar atvinnuveganna. Sum verkefni verða áfram á ábyrgð sveitarfélaga.

Heilbrigðiseftirlit Suðurnesja sinnir verkefnum áfram fram að breytingum. Nú starfa fjórir starfsmenn hjá embættinu við verkefni sem áður þurfti sex starfsmenn til að sinna. Því þarf að forgangsraða verkefnum og búast má við að afgreiðsla erinda og svör við fyrirspurnum taki lengri tíma en áður. Við biðjum þjónustuþega um skilning á stöðunni.

Nýr opnunartími verður 9:00 – 12:00 virka daga. Lokað er um helgar og á frídögum.